تاند ( یکشنبه د کب – حوت ۳مه ) د طالبانو د حج او اوقافو وزارت اعلان وکړ، چې یو چینایي تبعه، د اسلام د تعلیماتو له پوهېدو او له مسلمانانو سره له تعامل وروسته، پرېکړه وکړه چې اسلام غوره کړي او په رسمي ډول یې ومني.
د یاد وزارت د راپور له مخې، ۵۱ کلن “منخای شیای” په دې وروستیو کې افغانستان ته راغلی و او د اسلام د منلو اعلان لپاره یې د لارښوونې وزارت ته مراجعه وکړه.
د یاد وزارت چارواکو هغه ته د پل خشتي لوی جومات ته لارښوونه وکړه،څو هغه ته لارښوونه وکړي او د اسلام له اصولو سره یې معرفي کړي.
په جومات کې، د جومات امام او خطیب شیخ نقیبالله هغه ته د شهادت مرحلې تشریح کړې او د اسلام له منلو وروسته، د هغه لپاره “محمد بلال” نوم غوره شو.
په دې وروستیو کې په افغانستان کې د بهرنیو اتباعو اسلام منل د طالبانو د لارښوونې وزارت په لارښوونه او د اسلامي اصولو پر بنسټ ترسره کیږي او مراسم په معتبرو جوماتونو کې ترسره کیږي.