تاند ( یکشنبه د کب – حوت ۳مه ) د طالبانو د حکومت ویاند ذبیحالله مجاهد پر خپلې اېکسپاڼې لیکلي، چې په پکتیکا او ننګرهار ولایتونو کې هوايي بریدونه د پاکستان د یوې ځانګړې نظامي کړۍ لهخوا ترسره شوي دي.
مجاهد د پاکستان د هوايي بریدونو له امله د اوښتې مرګژوبلې په تړاو کره شمېرې نه دي په ډاګه کړي خو ویلي یې دي چې، د پاکستان پوځ په خپل هېواد کې امنیتي کمزورتیاوې په همداسې جنایاتو جبرانوي.
ذبیح الله مجاهد داسې مهال دا غبرګون ښيي چې، تر ده وړاندې د پاکستان د اطلاعاتو وزارت د یوې اعلامیې په خپرولو سره ویلي و، چې په اسلاماباد او خېبرپښتونخوا کې د وروستیو ترهګریزو بریدونو د غچ اخیستني په موخه په افغانستان کې پر ۷ هدفونو بریدونه کړي دي.
په ننګرهار، پکتیکا او خوست ولایتونو کې د پاکستان د بې پېلوټه الوتکو بریدونه
په ورته مهال پخوانی طالب چارواکی عبدالسلام ضعیف پر خپله اېکسپاڼه د پاکستاني هوايي ځواکونو بریدونه په کلکو ټکو غندلي او ویلي یې دي، چې دا عمل د اسلام، ګاونډیتوب او نړۍوالو اصولو ښکاره سرغړونه او جنایت دی.
هغه زیاته کړې، چې د پاکستان نظامي رژیم د خپلو ناکامیو او کورنیو ستونزو د جبران لپاره بېګناه ملکي وګړي په نښه کوي او هر ځل د خپلو ادعاوو خلاف عمل کوي.
ضعیف دا بریدونه د بېاساسه ادعاوو یوه بېلګه وبلله او ټینګار یې وکړ، چې نړۍواله ټولنه باید د بېګناه خلکو د وژنې پروړاندې غبرګون وښيي.
https://taand.net/?p=265795