تاند (یکشنبه، د کب/ حوت ۳ مه) راپورونه وايي چې د پاکستان بې پېلوټه الوتکو نن شپه د پکتیکا پر برمل او اورګون ولسوالیو او همداراز د ننګرهار او خوست ولایتونو په خینو سیمو بریدونه کړي دي.
د ننګرهار په خوګیاڼو، غني خېلو او بهسود ولسوالیو کې بریدونه شوي دي.
د طالبانو حکومت په دې اړه رسماً څه نه دي ویلي خو د امربالمعروف وزارت ویلي چې د پاکستان بې پېلوټه الوتکو په برمل ولسوالي کې پر یوې مدرسې بمباري کړې ده.
د دغه وزارت ویندوی سیف الاسلام خیبر په ایکسپاڼه کې کښلي چې پاکستان د تل په شان یو وار بیا پر ملکیانو بریدونه کړي دي. او په دې ډول یې خپل وحشیانه ماهیت ثابت کړی دی.