تاند (جمعه د سلواغې ـ دلوې ۲۴مه) د ننګرهار په بټي کوټ ولسوالۍ کې د یوې ناچاودې مرمۍ د چاودنې له مله ۷ کسانو ته مرګ ژوبله اوښتې ده.
مسوولان وایي، چې پېښه د څلورم فارم په سپین خوړ کې رامنخته شوې ده.
د دې پېښې له امله ۲ ماشومان مړه شوي او ۵ نور ټپيان دي.
ننګرهار کې د طالبانو امنیه قوماندانۍ ویلي، دغه مرمۍ ځکه چاودلې چې، ځايي ماشومانو اور ته اچولې وه.
که څه هم ژوبل کسان د ننګرهار عامې روغتیا روغتون ته وړل شوي دي.
د ځینو کسانو روغتیایي وضعیت نازک ښودل شوی.