تاند (سې شنبه د سلواغې ـ دلوې ۱۴مه) د ۲۰۲۶ کال د اسیا جام په خپله څلورمه لوبه کې د افغانستان د فوټسال ملي لوبډله نن سې شنبه د جاپان له لوبډلې سره مخامخ شو.
په دې سیالۍ کې د جاپان ټیم وتوانېد چې د افغانستان د فوتسال لوبډلې ته ۶ ګولونه ورکړي خو په مقابل کې یې افغان لوبغاړو کوم ګول ونه وهلی شو.
د دې لوبې له بایللو سره افغانستان د ۲۰۲۶ له اسیايي جام سیالیو څخه محروم شو.
د افغانستان ملي لوبډلې تر دې وړاندې د سعودي عربستان او مالیزیا لوبډلو څخه لوبه ګټلې او د ایران پر یې بایللې وه.
په تېره لوبه کې د ایران ۵ ګولونو پر وړاندې افغانستان دوه ګولونه ووهل او لوبه یې وبایلله.
باید وویل شي چې له دوو بریاوو سره افغانستان د څلور غوره لوبډلو ته لار موندلې ده.
د یادولو ده چې د افغانستان د فوټسال ملي لوبډله په وروستیو کلونو کې په اسیایي سیالیو کې د پام وړ پرمختګ کړی دی.