تاند ( سه شنبه د سلواغې ـ دلوې ۱۴مه) د افغانستان سولې لپاره د امریکا پخواني ځانګړي استازي زلمي خلیلزاد په خپلو تازه څرګندونو کې یوځل بیا پر پاکستان تندې نیوکې کړې دي.
خلیلزاد په بلوچستان کې وروستی وضعیت تراژیدي او د بلوڅو ازداي غوښتونکي غورځنګ پراخ بریدونه یېګواښوونکي بللي دي.
زلمي خلیلزاد پر خپله اېکسپاڼه په دې تړاو د پاکستان د امنیتي ادارو او په دغه سیمه کې د پاکستاني پوځ امنیتي عملیات هم د اندېښنې وړ بللې دي.
خلیلزاد زیاته په خیبر پښتونخوا کې هم وضعیت ناکرار بللی دی.
هغه عمران خان د پاکستان منلی سیاسي مشر بللی او پر دې نیوکه کړې چې لاهم هغه د جوړو شوو او بېبنسټه تورنو له کبله په زندان کې پروت دی.
خلیلزاد ویلي که پاکستان غواړي ګټه وکړي نو د پاکستاني شنونکو یوې ډلې ته دې اجازه ورکړې چې په دغه هېواد کې د روانو ناورینونو ژوره څېړنه وکړي او روانې ستونزې په بېپرې توګه وڅېړي او د هېواد ژغورنې لپاره یوې تګلاره وټاکي.
زلمي خلیلزاد ویلي چې ګومان نه کوم چې د پاکستان اداره دې موږ حیران کړي او دا ډول ګام پورته کړي.