تاند ( شنبه د مرغومي ـ جدي ۲۷مه) پاکستاني رسنیو ویلي چې، حکومت یې په ایران کې د لاریونونو او ناکراریو له امله دغه هېواد سره پر پوله خپل پوځي حضور او امنیتي تدابیر زیات کړي دي.
پاکستاني چارواکو ویلي چې دا اقدام د هر ډول احتمالي امنیتي ګواښونو مخنیوي او په سرحدي سیمو کې د ثبات ساتلو په موخه شوی دی.
د پاکستان امنیتي او پوځي ځواکونه په ټولو هغو سیمو کې چې له ایران سره پوله لري، په ځانګړې توګه په بلوچستان ایالت کې بشپړ چمتووالی نیولی دی.
رسنیو د امنیتي سرچینو له قوله لیکلي چې ځمکنۍ ګزمې زیاتې شوي، سرحدي پوستې پیاوړې شوي او په دې سیمو کې د مشکوکو حرکتونو استخباراتي څارنه ګړندۍ شوې ده.
سیمهییزو چارواکو ویلي چې د ایران دننه بېثباته وضعیت ته په پام سره، د خلکو د ناقانونه تېرېدو، قاچاق او د وسلهوالو عناصرو لخوا د نفوذ په اړه اندېښنې موجودې دي.
اسلاماباد، په داسې حال کې چې پوځي چمتووالی زیاتوي،چې په ایران کې یې د کړکیچ سولهییز مدیریت غوښتنه کړې او ټینګار یې کړی چې د هیواد داخلي پرمختګونه باید د سیمې بې ثباتۍ لامل نشي.