تاند (دوشنبه، د مرغومي/ جدې ۸ مه) د خیبرپښتونخوا ګورنر فيصل کريم کونډي ويلي دي چې په صوبه کې د پي ټي آی (تحریک انصاف) حکومت موجود دی او د پوځ له مرستې پرته به صوبه حتٰی دوه ورځې هم دوام ونه کړي۔
ښاغلي کونډي دا څرګندونې په داسی وخت کې وکړې چې د خیبرپښتونخوا ډېرې سیمې د ټي ټي پي او د دولت د نورو مخالفو وسله والو په کنټرول کې دی.
هغه په پریس کلب کې خبریالانو ته وويل چې د امن لپاره استخباراتي بنسټيز عمليات ډېر ضروري دي او صوبايي حکومت بايد د دغو عملياتو ملاتړ وکړي، ځکه چې د امن د نه شتون په صورت کې کاروبار او اقتصاد سخت اغېزمنېږي۔
فيصل کريم کونډي ټينګار وکړ چې د سياسي ستونزو حل يوازې د مذاکراتو او جمهوري عمل له لارې ممکن دی۔
هغه زیاته کړه چې د خبرو مېز ته د اتحادي (د شریف په مشرۍ مسلم لیګ او پیپلز ګوند) او اپوزيشن ګوندونو د راوستلو هڅې روانې دي، تر څو په هېواد کې د ګډوډۍ پر ځای ثبات ټينګ شي۔
د ګورنر په وينا، ناقانونه افغان وګړو ته لارښوونه شوې چې بېرته لاړ شي او په راتلونکې کې دې يوازې د ويزې له لارې هېواد ته داخل شي۔
دا په داسی حال کې ده چې پر خیبرپښتونخوا واکمن ګوند د ګورنر له دې نظر سره موافق نه دی. ګورنر د مرکزي حکومت استازی دی.
هغه وويل چې وفاق په هره قضيه کې د صوبې ترڅنګ ولاړ دی او ستونزې د ښکنځلو او بدو خبرو له لارې نه شي حل کېدای۔
هغه د پي ټي آی پر مشرتابه نيوکه وکړه او ويې ويل چې له يوې خوا د مذاکراتو خبرې کېږي او له بلې خوا انکار ترې کېږي، حال دا چې ځينې کسان د سوشل ميډيا له لارې د انتشار خپرولو هڅه کوي۔
کاشکي اول یې دغه غلام ګلخان د جناح فرنګي چیچی مردار کړی وای. 😡