تاند (د غبرګولي ـ جدي لومړۍ) د نیوزیلنډ کرکټ ملي لوبډلې په ۳۲۳ منډو د ویسټنډیز کرکټ ملي لوبډلې ته ماته ورکړه.
په یاده لوبه کې نیوزیلنډ په لومړۍ پاڼۍ کې د ډیون کانوې ۲۲۷ او ټام لیتم ۱۳۷ منډو په جوړولو ۵۷۵ او دوهمه پاڼۍ کې یې د ټام لیتم ۱۰۱ او ډیون کانوې د ۱۰۰ منډو په جوړولو ۳۰۶ منډې جوړې کړې.
ویسټنډیز بیا په لومړۍ پاڼۍ کې د کاویم هاج ۱۲۳ منډو په جوړولو ۴۲۰ او دوهمه پاڼۍ کې ټولې ۱۳۸ منډي جوړې کړې او لوبه یې وبایلله.
د یادو لوبډلو ترمنځ درې ټسټ لوبي ترسره شوي چې، دوه نیوزیلنډ ګټلي او یوه مساوي شوې ده.