تاند ( یکشنبه د لیندۍ ـ قوس ۳۰مه) د طالبانو د کورنیو چارو وزارت وايي، په پلازمېنه کابل کې د بوټو په یوه منډوي کې اور لګېدلی خو د پراخېدو مخه یې ونیول شوه.
یاد وزارت زیاتوي چې د اور له امله شاوخوا ۷۰۰ زره امریکايي ډالر زیان اوښتی دی.
دغه وزارت وايي، یاده اورلګېدنه نن سهار د برېښنا د شارټۍ له امله رامنځ ته شوې ده.
سرچینه زیاتوي چې د اور په مخنیوی سره د ۱۵۰ میلیونه افغانیو په ارزښت د نورو توکو د سوزېدو مخه ونیول وشوه.
سرچینه وایي، د اور له امله شاوخوا ۱۸ دوکانونه او ګودامونه هم زیانمن شوي دي.