تاند (یکشنبه د لیندۍ ـ قوس ۳۰مه) بغلان کې د طالبانو ولایتي چارواکي وايي ، چېد ۵۸۰ بس د اوښتو له امله ۴۸ کسانو ته مرګ ژوبله اوښتې ده.
په دې تړاو د خپرې شوې خبرپانې له مخې، په دغه ترافیکي پېښه کې ۶ کسان مړه شوي او ۴۲ نور ژوبل دي.
یاد مسافر وړونکی بس له پلخمري ښار کابل ته پر لاره و، چې د سړک د یخک له امله اوښتی دی.
که څه هم د پېښې ټپیان روغتون ته وړل شوي دي، خو تر اوسه یې د روغتیايي حالت په تړاو څه نه دي ویل شوي.
په دې وروستیو کې په هېواد کې د ترافیکي پېښو ګراف تر ریکارډ درجې لوړ شوی دی چې، لوی لاملونه یې خراب سړګونه، د موټر چلوونکو بې احتیاطي او د حکومت له لوري د ترافیکي قوانینو نه تطبیق یادېږي.