تاند ( سې شنبه د لیندۍ ـ قوس ۲۵مه) په کابل کې د یو خصوصي شرکت مسوولینو ویلي چې، د یو معتبر هندي شرکت استازولي پرانیستل کېدو سره له هنده افغانستان ته د درملو واردات په رسمي ډول پیل شول.
د هغوی په خبره، لومړۍ مرحله کې به ۲۵قلمه درمل وارد شي او نږدې راتلونکي کې به دغه پروسه پراخه او د هېواد روغتیایي اړتیاوې پوره شي.
بل لورتع د افغانستان درملو خدماتو اتحادیي مسوولان وایي، دا مهال هېواد کې د درملو واردولو تر ۴۰۰زیات شرکتونه فعالیت کوي او ټول دغه شرکتونه هڅه کوي په روغتیایي معیارونو برابر او باکیفیته درمل هېواد ته وارد کړي.
په ورته مهال د هند «سپلا» شرکت مسوولانو ویلي، چې دغه شرکت د درملو تولید برخه کې ۹۰ کلنې تجربې په درلودلو سره ژمن دی چې روغتیایي برخه کې افغانستان سره دوامداره همکاري وکړي.
د یادونې ده، چې د طالبانو له لوري له پاکستانه د درملو په واردولو تر بندیز وروسته د درملو واردونکو ته سپارښتنه شوې، چې د درملو واردولو لپاره بدیلي لارې ولټوي، هغه اقدام چې له هنده د درملو واردولو کې یې عملي بڼه خپله کړه.