تاند ( پنج شنبه د لیندۍ ـ قوس ۲۰مه) د طالبانو د حکومت د کیفیت او معیار اداره وایي چې، ۷۴ ټنه بې کیفیته ګاډر چې د دوی په وینا له معیار سره برابر نه وو بېرته ایران ته ور ګرځول شوي دي.
یادې ادارې ویلي چې، د کیفیت کنټرول تر څېړنې وروسته یاد اندازه ګاډر د شیخ ابو نصر فراهي بندر له لارې صادرونکي هېواد ته مسترد شوي.
د طالبانو د معیار او کیفیت ادارې ویاند محمد یوسف غاویر ټینګار کړی، چې د بې کیفیته توکو واردولو یې په کلکه مخنیوی کړی دی.
هغه وایي د دې چارې له سرغړوونکو سره به هم قانوني چلند وکړي.
نوموړي د دې کار موخه د هېوادوالو امنیت، سلامت او اقتصاد ساتنه بللې.