تاند ( سه شنبه د لیندۍ ـ قوس ۱۸مه) د طالبانو د کورنیو چارو وزارت ویاند مفتي عبدالمتین قانع ویلي، چې په نیمروز ولایت کې یو تن له ۱۲ کلن کورني بند څخه را خلاص کړای شو.
قانع لیکلي، یاد کس د نیمروز ولایت په درېیمه ناحیه کې د خپلې کورني له لوري بندي شوی و.
د قانع په خبره یاد ولایت کې د طالبانو امنیه قومندانۍ جنایي جرمونو سره د مبارزې پولیسو په هڅو را خلاص شو.
دغه زنداني چې ۵۰ کاله عمر لري په یوه تیاره کوټه کې بندي ساتل کېده دا مهال یې روغتیايي حالت یې د اندېښنې وړ بلل شوی.
دا لومړنۍ پېښه نه ده، تر دې وړاندې ګڼ دا ډول کسان ژغورل شوي او عاملین یې د قانون منګولو ته سپارل شوي دي.