تاند ( چهارشنبه د لیندۍ ـ قوس ۱۲مه) د ازبکستان د سوداګرۍ او پانګوني خونه وايي، د افغانستان او ازبکستان ترمنځ د ترمذ ـ حیرتان سوداګریزه لاره یې بیرته د تګ راتګ پر مخ پرانستې ده.
یادي خونې پرون (سه شنبه) په یوه خبرپاڼه کې دا خبر ورکړی دی.
سرچینې ویلي چې، دغه لاره یې د مسافرو او ټرانزیټ پر مخ د پاسپورټ او وېزه لرونکو کسانو له پاره خلاصه کړې ده.
ازبکستاني چارواکي وايي، په دې سره به د افغانستان او ازبکستان سوداګري نوره هم زیاته شي او تمه ده چې، په راتلونکي کې به د دواړو هیوادونو سوداګري ۲،۵ ملیارډ ډالرو ته لوړه شي.
دغه بندر په ۲۰۲۱ زېږدیز کال کې د یاد هیواد له خوا تړل شوی و.