تاند (سې شنبه، د لیندۍ/ قوس ۱۱ مه) ایراني رسنیو د دوشنبې په ورځ راپور ورکړی چې د هېواد په یوه لوی کان کې یې د سرو زرو یوه ستره زېرمه کشف کړې ده.
دا نوې د سرو زرو رګ په جنوبي خراسان ولایت کې د شادان په شخصي کانکې موندل شوې ده.
د فارس خبري اژانس د راپور له مخې، دغه کان د ایران د سرو زرو له مهمو معدنونو څخه شمېرل کېږي.
فارس خبري اژانس همداراز ویلي چې دا نوې زېرمه په رسمي ډول د صنعت، کان او سوداګرۍ وزارت لهخوا تأیید شوې ده.
د راپور له مخې، دغه رګ د سرو زرو شاوخوا ۷.۹۵ میلیون ټنه ډبرې او ۵۳.۱ میلیون ټنه د سرو زرو سلفایدي ډبرې لري.
اوکسایډي ډبره عموماً په اسانه او د لږ لګښت په بدل کې استخراجېږي.
ایران تر اوسه د سرو زرو د زېرمو رسمي شمېرې نه دي خپرې کړې، خو ټینګار کوي چې په وروستیو کلونو کې یې د سرو زرو پېر ډېر زیات کړی دی.