تاند (یکشنبه د لړم ـ عقرب ۲۵مه) د ازبکستان ولسمشر شوکت میرضیایف ویلي، افغانستان باید د سیمې د زیربنا، انرژۍ او ترانزیټ پروژو کې شریک وي.
نوموړي د مرکزي اسیا هېوادونو د مشرانو په اوومه غونډه کې دا خبرې کړې دي.
میرضیایف ویلي، جغرافیاوي ارزښت ته په کتو افغانستان د ځانګړې پاملرنې وړ دی.
هغه دغه راز ویلي، د افغانستان وضعیت په مستقیم ډول د ټولې سیمې هېوادونو په پرمختګ اغېز لري او پاملرنې ته اړتیا لري.
شوکت میرضیایف زیاته کړې، د امو سیند سرچېنو څخه د ګټې اخیستنې لپاره باید افغانستان سره تعامل وشي.
د نوموړي په خبره افغانستان د سیمې هېوادونو د سیاست لپاره ډېر مهم دی.