تاند (شنبه د لړم ـ عقرب ۲۴مه) یو شمېر سرچینو تاند وېب پاڼې ته ویلي چې، نن شنبه د تاجکستان یو لوړپوړی پلاوی چې د دغه هېواد د بهرنیو چارو وزارت، امنیت او نور مهم مسوولین پکې شامل دي، کابل ته رارسېدلی دی.
د دغې پلاوي د راتګ موخه د تاجکستان جمهوریت او طالبانو ترمنځ د سیاسي، اقتصادي او امنیتي اړیکو پراختیا او پیاوړتیا یاده شوې ده.
سرچینه همداراز زیاتوپ چې دغه پلاوی به د طالبانو له بېلابېلو لورو سره د کتنو ترڅنګ د راتلونکو همکاریو په اړه هم بحثونه وکړي.
د سرچینې په حواله، د اړیکو د لویو بحثونو ترڅنګ به په پلازمېنه دوشنبه کې د طالبانو د سفارت اړوند او پر نورو موضوعاتو هم بحثونه وشي.