تاند (شنبه د لړم ـ عقرب ۲۴مه) د موی تای افغان لوبغاړي، محمدیوسف جهانګیر د اسلامي هېوادونو د پیوستون په سیالیو کې د سرو زرو مډال وګاټه.

هغه په ۷۵ کیلوګرام وزن کې خپل ترکي سیال، مهمت علي په ماتولو سره دغه مډال ګټلی دی.

جهانګیر له درېیو پړاوونو مبارزې وروسته ۲۹-۲۸ بریا ترلاسه کړه.

یوسف جهانګیر مخکې د اندونیزیا او عربستان سیالان هم مات کړي دي.

د اسلامي هېوادونو د پیوستون شپږم پړاو سیالۍ د نوامبر له ۴ مې نېټې راهیسې په د سعودي عربستان پلازمېنه ریاض کې روانې دي او د ۵۷ هېوادونو ورزشکاران پکې په ۲۱ ورزشي څانګو کې سیالي کوي.