تاند (پنجشنبه د لړم ـ عقرب ۲۳مه) د افغانستان برېښنا شرکت خبر ورکړی، چې د پنجشېر د پارندې اوبیزې برېښنا تولیدي فابریکه به نن پنجشنبه ګټې اخیستنې ته وسپارل شي.
یاده فابریکه د څلور مېګاواټه برېښنا تولید ظرفیت لري او د ۷ اعشاریه ۶ میلیون ډالرو په لګښت جوړه شوې.
دا فابریکه داسې مهال پرانیستل کېږي چې، تېره (دوشنبه د لړم ـ عقرب ۱۹مه) پنجشېر ولایت کې د طالبانو سیمهییز چارواکو ویلي وو چې، په پریان ولسوالۍ کې د ۲۰میلیونه ډالرو په لګښت د برېشنا یو بند جوړیږي.
د پنجشېر ولایت ویاند سیفالدین لټون زیاته کړې وه چې، د یاد بند د سرورې او ډیزاین کارونه بشپړ شوي او ژر به یې عملي چارې پیل شي.
لټون ویلي وو چې، دغه بند د ۱۰میګاواټه برېښنا د تولید ظرفیت لري، چې پنجشېر او ګاونډيو ولایتونو کې به ۱۰زره کورنیو ته برېښنا ورکړي.