تاند ( یکشنبه د لړم – عقرب ۱۱مه) د هند او جنوبي افریقا تر منځ د ښځينه کرکټ نړيوال جام پايلوبه د هند په ممبۍ کې نن (يکشنبې ۲ نومبر) ترسره کېږي.
دواړو هېوادونو تر اوسه د ښځينه وو نړيوال جام نه دی ګټلی.
که څه هم هند دوه ځله په ۲۰۰۵ او ۲۰۱۷ کال کې د نړيوال جام پايلوبې ته وتلی، خو د اتلولۍ په ګټلو نه دی بریالی شوی.
جنوبي افریقا لومړی ځل دی چې د نړيوال جام په پايلوبه کې بخت ازمويي.
دا بریا به د هرې لوبډلې لپاره چې پايلوبه کې بريالۍ شي ستره لاسته راوړنه وي او د ښځينه وو د کرکټ په غوړېدو کېبه هم مهم رول ولري.
ګټونکې لوبډلې ته د کرکټ نړيوالې شورا له خوا شاوخوا ۴.۳ ميليونه ډالر ورکول کېږي چې دا به د لږو مالي سرچينو لرونکې جنوبي افریقا لوبډلې سره ډېره مرسته وکړي.
بل پلو د هند لپاره دا ښايي له پيسو پرته د نفوذ، پام او فرصت پراختيا وي.
که هره لوبډله یې وګټي يو نوی ریکارډ به جوړ شوي خو که هند په خپل کور کې بریا ترلاسه کړي دا به ښايي د نړيوال کرکټ د واک توازن د بدلون نښه وي.
له دې وړاندې له انګلنډ او اسټراليا پرته کومې بلې لوبډلې دا اتلولي نه ده ګټلې.