تاند (شنبه د لړم ـ عقرب ۱۰مه) د طالبانو د حکومت له غضب څخه د مخنیوي کمېسیون ویلي، له جوړېدو تر اوسه یې ټول هېواد کې دلسګونو ښارګوټو دوسیې څېړلې چې په پایله کې یې ۹ ښارګوتي په بشپړ ډول دولتي تثبیت شوي.
د طالبانو عدلیې وزارت خبر ورکړی، چې دغه ښارګوټي څلور ولایتونو کې تر ۵۰زره جریبه په زیاته ځمکه کې جوړ شوي.
د معلوماتو له مخې، کابل کې د ملاتره خېل، سردار داوود خان او ملاعزت ښارګوټي، بلخ کې د خالد ښارګوټی، میدان وردګو کې د نوي ښار ښارګوټی، غزني کې د حکیم سنایي او نو اباد ښارګوټي او ننګرهار کې د حاجي قدیر او اسحاق ګیلاني ښارګوټي دولتي تثبیت شوي.
د یاد وزارت خبر له مخې د یو شمېر نورو ښارګوټو د ځینو برخو ځمکې یې هم دولتي تثبیت کړې او تېر کال یې د یادو ښارګوټو سربېره ټول هېواد کې شاوخوا ۴میلیونه جریبه ځمکې له غاصبینو راګرځولې او د میلیونونو جریبه ځمکو دوسیې تر څېړنو لاندې دي.
کور آباد ځوی لوی ـ