تاند (شنبه د لړم ـ عقرب ۱۰مه) د رسنیو د راپورونو له مخې د بلوچستان کلات ولسوالۍ په خالق آباد کې یوه برید کې ۶ پاکستاني پوځیان وژل شوي دي.
برید نامعلومه وسله والو کړی.
خو بل لورته د پاکستان پوځ وايي، سیمه کې یې د بلوڅ آزادي غوښتونکو پر ضد عملیات چټک کړي دي.
راپور کې راغلي، چې په ځوابي عملیاتو کې د بلوڅ آزادي غوښتونکو پر ځینو پټنځایونو عملیات شوي دي.
دغه راز بیا له سیمې راپورونه وايي، چې نښلول شوې لارې تړلې او مخابراتي اړیکې پرې هم پرې شوې دي.
په دې وروستیو کې په پښتونخوا او بلوچستان کې د پاکستاني پوځ پر ضد بریدونو زور اخیستی دی.