تاند (دوشنبه د لړم ـ عقرب ۵مه) د طالبانو د ټولګټو چارو وزارت وایي، د خواف-هرات په رېللارې د لومړي ځل لپاره د ډیزل ۲۰ واګونونه هرات ته را ورسېدل.
د مالوماتو له مخې یاده واګونه ټولټال ۱۱۲۰ ټنه وزن لري چې، د هرات ولایت روزناک سټیشن ته راورسېدل.
د طالبانو د ټولګټو چارو وزارت ويلي؛ دا ډیزل یوه خصوصي شرکت راوارد کړي، چې د افغانستان او ګاونډ هېوادونو ترمنځ د ټرانزیټ او اقتصادي اړیکو د پراختیا لپاره یو اړین ګام دی.
د یاد وزارت د څرګندونو له مخې، د رېللارې د لویو پروژو له پلي کولو سره؛ هڅه کیږي، چې د هېواد سوداګرو ته آسانه ټرانسپورټ او غوره سوداګریز فرصتونه چمتو کړي.