تاند (یکشنبه د لړم ـ عقرب ۴مه) د افغانستان د فوتسال تر ۱۷کلنو کم عمره ملي لوبډلې د اسیا نوي ځوانانو سیالیو کې چین ته څلور په صفر ماتې ورکړه.
افغان لوبډلې دې بریا سره د یادو سیالیو نیمه پایلوبې ته لار وموندله.
د افغانستان ۱۷کلنو کم عمره ملي لوبډلې د یادو سیالیو خپلو دوو لوبو کې ازبکستان ته لس په دوه او کوربه بحرین ته اووه په صفر ماتې ورکړه.
افغان لوبډلې د درېیو پرلپسې بریاوو وروسته خپل ګروپ په سر کې ځای درلودلو سره نیمه پایلوبې ته لار وموندله.