تاند ( دوشنبه د تلې – میزان ۱۴مه) د کورنیو چارو وزارت ویاند عبدالمتین قانع وايي، هرات کې یې د څه باندې ۳ میلیونه افغانیو د غلا په تور یوه ښځه نیولې ده.
نوموړي نن دوشنبه د تلې ۱۴مه، پر خپله اېکسپاڼه لیکلي چې دغه مېرمن هرات کې د طالبانو د پولیسو لهخوا نیول شوې.
هغه لیکلي: «يوه ښځه څه د باندې د ۳ ميليونو افغانيو د غلا په تور ونيول شوه! د هرات پوليس ځواکونو له لوري يوه ښځه څه باندې د درې ميليونو افغانيو د غلا په تور ونيول شوه چې نوموړې په لومړنيو تحقيقاتو کې په خپل جرم اعتراف کړی او دوسيه به يې عدلي او قضايي ارګانونو ته وسپارل شي.»
په ورته مهال د طالبانو د کورنیو چارو وزارت ویاند عبدالمتین قانع زیاته کړې چې دغه پیسې بېرته خپل څښتن ته سپارل شوي دي.
هغه په دې اړه نور جزییات نهدي ورکړي.