تاند ( چهارشنبه د تلې ـ میزان ۲مه) د نورستان د عمومي سړک پر کارکوونکو د غره ښویېدنې له امله ۴ کاریګر مړه او ژوبل شوي دي.
دا غر د نورستان د عمومي سړک جوړونې په مسیر، چتراس کې نن غرمه شاوخوا ۱۱ بجې ښویېدلی.
د دې پېښې له امله ۲ کاریګر مړه شوي او ۲ نور ژوبل دي.
د معلوماتو له مخې، قربانیان د یوه خصوصي وداندیز شرکت کارکوونکي دي.
د نورستان ولایت لپاره د طالبانو ویاند دغه پېښه تایید کړې او د بند پاتې کسانو د ژغورنې خبر یې ورکړی دی.