تاند(سه شنبه د وږي ـ سنبلې ۱۱مه) لا هم د کونړ لرې پرتو سیمو په کنډوالو کې د ژوندي پاتې شويو کسانو لټون روان دی.
د کونړ ولايت د طبعي پېښو سره د مبارزې مشر احسان الله احسان ويلي، ټوله شپه دژغورنې عمليات روان وو.
بل لورته ډلې ډلې ځّوانان په موټرو او پلي کونړ ته د زلزله ځپلو سره د مرستې لپاره ور روان دي.
په ولسوالیو کې د زلزله ځپلو لپاره د مرستو راټولولو کمپاین روان دی او په روغتونونو کې د ټپيانو لپاره د وړیا وینې د ورکړې لړۍ دوام لري.
په یو شمېر نورو ولایتونو کې هم دختیځ زلزله ځپلو سره د مرستو راټولولو کمپاینونه پيل شوي دي.
د طالبانو حکومت د چارواکو او د ملګرو ملتونو د ادارو په وینا په کونړ او ننګرهار کې د زلزلې له کبله لږ تر لږه ۸۰۰ تنه مړه شوي او تر ۳۰۰ زره نور ټپيان دي.
ارقام لاهم وروستي نه دي او د تلفاتو شمېر په زیاتېدو دی.