د طالبانو د کندهار ولایت امنیه قومانداني وايي، نن سهار (د جولای ۲۸مه) اته بجې یو پولنډي سیلانی په کندهار ولایت کې په ترافیکي پېښه کې ټپي شوی دی.
پېښه د دامان ولسوالۍ د ارغستانپُل په سیمه کې هغه مهال وشوه چې د سیلاني موټر له یوه وېګن موټر سره ټکر شو.
د امنیه قوماندانۍ په خبرپاڼه کې ویل شوي، یاد سیلانی روغتون د کندهار میرویس روغتون ته وړل شوی او روغتیايي وضعیت یې د اندېښنې وړ نه دی.
نور جزییات تر اوسه نه دي خپاره شوي.