تاند (جمعه، د غبرګولي/ جوزا ۲۳ مه) وال ستریټ ژورنال لیکلي، یوه اسراییلي چارواکي دې ورځپاڼې ته ویلي چې د ایران پر اتومي او پوځي مرکزونو د اسراییل بریدونه د ۱۴ ورځو لپاره پلان شوي دي.
دغه اسراییلي مقام همداراز ویلي:
«ډېره موده مخکې له دې چې عملیات پیل شي، انفجاري ډرونونه او نور هدایتېدونکې وسلې د ایران خاورې ته قاچاق شوې وې.»
د هغه په وینا، بنیامین نتانیاهو او یسراییل کاتس (د اسراییل د دفاع وزیر) تېره دوشنبه (۱۹ د غبرګولي/جون ۱۰مه) پرېکړه وکړه چې دا بریدونه باید د جمعې په سهار پیل شي.
پر ایران د اسراییل دا بریدونه د تهران په وخت تېره شپه ۹ بجې پیل شول او د سهار ۳ بجې شدید شول. نن د ورځې په لړ کې یې هم دوام کړی دی.
د تبریز د هوايي ډګر شاوخوا سیمې او همداراز همدان بمباري شوي دي.
له تاند نه د زړه له کومي مننه کوو خو اسټریټ نه سټریټ دی. پاړسیوانان ورته استریت وایي.