تاند「دوشنبه د غبرګولي ـ جوزا ۱۹مه」د طالبانو د کورنیو چارو وزارت ویاند عبدالمتین قانع وایي، د اور وژنې ټیمونه توانېدلي، چې د کابل ښار په ۵مه ناحیه کې د تېرې ورځې لګېدلی اور مهار او ۱۳۹ هټۍ له سوزېدو وژغوري.
د قانع په وینا د معلوماتو له مخې د اور د لګېدو لامل د برقي سیستم ستونزه وه.
دغه اور پرون ورځ یکشنبه د غبرګولي ۱۸مه د کابل ښار، پنځمې ناحیې ، کمپنۍ ساحه کې په یوه مارکیټ کې رامنځه شو.
د اور له امله د اوښتي زیان کره شمېره لا معلومه شوې نه ده.
خو عیني شاهدان بیا وایي، او زیاته ساحه سوزولي او خلکو ته یې په زیاته اندازه مالي زیانونه اړولي دي.
د نظر خاوندان بیا د اور د پر وخت نه مهار لامل د منظم ښاري سیستم نه موجودیت بولي، چې د دوی په وینا سوداګرو مارکیټونه د اصولو له مخې جوړ کړي نه دي چې د بېړنیو پېښو پرمهال په لومړیو کې د پېښو د مخنیوي توانایي ولري، بل لورته بیا ښاري بې نظمي دومره ډېره ده چې له مخې یې د اور وژنې ټیمونه نشي کولی پر وخت ساحې ته ځانونه ورسوي.
139 هټۍ نه، بلکې ټوله کمپنۍ وژغورل شوه صرف هغه سوخیدلی سرایونه او هټۍ چی یوه ورځ او شپه اور ورباندی بل و وسوځېدل.