تاند【سه شنبه د ثور ـ غویي ۲مه】د طالبانو د حکومت صنعت او سوداګرۍ سرپرست وزیر نورالدین عزیزي د قزاقستان د لومړي وزیر د مرستیال په ګډون د افغان – قزاق سوداګریزه غونډه کې د هېواد سټراټیژیک موقعیت ته په اشارې ویلي، دوی ژمن دي څو افغانستان د سیمې د ترانزیت په مرکز بدل کړي.
عزیزي زیاته کړې، هڅه کېږي چې د دواړو هېوادونو سوداګریزو توکو ته د لاسرسي برخه کې لا زیاتې اسانتیاوې برابرې شي.
نوموړي دغه راز چمتووالی ښودلی، چې د افغانستان په کانونو د پانګونې لپاره لویو قزاقستاني شرکتونو ته د پانګونې زمینه برابره کړي.
هغه د طالبانو د حکومت په بيا واکمنۍ سره د افغانستان او قزاقستان ترمنځ د سوداګرۍ کچه ۳۲ سلنه لوړه شوې او ویلي يې دي، چې دغه کچه به دواړو هېوادونو ترمنځ په کال کې تر درې مليارده ډالرو پورې ورسېږي.
دا څرګندونې داسې مهال کېږي، چې ټاکل شوې نن د افغانستان او قزاقستان ترمنځ په کابل کې ګډ نندارتون هم پرانیستل شي.
https://taand.net/?p=253704