د کوه نور الماس زرګونه کاله وړاندې په هند کې موندل شوی چې بیلابیلو هندي شاهانو ته د واک واګي په لیږد سره انتقال شوی و.
دغه الماس د هند د مغلي پاچاهانو په لړ کې تر محمدشاه ګورګاني پورې ورسید.
د کوه نور الماس اوسنی وزن شاوخوا ۲۱ ګرامه، خو ارزښت یې یوازې په ګرامو نه، بلکې د وینو، تاجونو او امپراتوریو په تاریخ کې تلپاتې شوی.
د هندي شاهانو زوال او د کوه نور الماس برخلیک:
کله چې نادر افشار د هند پر پاچاه محمد شاه ګورکاني برید وکړ او ډهلي ته نږدې شو ګورګاني د تسلیمیدو پیغام وړاندې کړ له دې سره نادر افشار په سولیز ډول ډهلي ته او دشاه قصر ته ورسید.
نادر افشار د محمد شاه ګرګاني په تاج کې یې د کوه نور الماس ولید. نادر افشار په رسمي غونډه کې خپل تاج له سره لرې کړ، د محمد شاه پر سر یې کښېښود، او د مغولي تاج یې پر خپل سر کیښود.
ورته یې وویل:
کله چې سوله وشي، زموږ دود دی چې تاجونه سره بدلوو .
خو دا یوه هوښیاره دوکه وه، یوه شاهانه (کلاهبرداري) دا الماس، له جګړې پرته، د ذهن په تله کې واخیستل شو.
ایران کې دوکه ورکوونکي ته د (کلاه بردار) اصطلاح، د همدې تاریخي پیښې څخه اخیستل شوی چې اوس هم رایج ده.
کله چې نادر افشار د د باریانو له لاسه ووژل شو، احمد شاه ابدالي، د ده وتلی پوځي و، سمدستي د حالاتو واګې واخیستې.
احمد شاه د نادر افشار کورنۍ له دښمنانو وژغورله او د هغوی په خوښهیې بخارا ته انتقال کړه.
دا افسانه له نسلونو راهیسې د دې الماس په اړه تکرارېږي:
د کوه نور الماس که نارینه و سره وي د بدبختي او که ښځینه و سره وي د برکت عامل ګرځي.
د نادر افشار کونډې ملکې، چې د احمد شاه صداقت، مېړانه او وفاداري یې له نږدې لیدلې وه، د قدردانۍ په پار د کوه نور الماس د یو سپېڅلي ډالۍ په بڼه احمد شاه بابا ته وسپاره.
وروسته، د کوه نور الماس د شاه شجاع لاس ته ورسېد،کله چې انګریزانو پنجاب ونیوه، او فراري شاشجاع ته یې پناه ورکړه، دا الماس یې له هغه واخیست او د بریتانیې ملکه ویکتوریا ته انتقال شو.
له هغه وخته، دا الماس د برتانوي سلطنت د تاج برخه ګرځېدلې ده، او اوس هم په لندن کې د سلطنتي خزانو سره ساتل کېږي.
ددې الماس پر سر دعوا لا پای ته نه ده رسېدلې. هند، پاکستان، افغانستان او ایران هر یو داغه قیمتي الماس د خپل تاریخ یوه برخه ګڼي، او د بېرته راګرځولو غوښتنه کوي.