تاند【یکشنبه د حمل ـ وري ۳مه】پاکستاني رسنۍ وایي، چې د بلوچستان په نوشکي سیمه کې د پوليسو د ګزمې پر موټر وسله وال برید شوی.
پاکستاني رسنۍ زیاتوي چې په دې بريد کې څلور پوليس وژل شوي دي.
سرچینو بیا د ځايي پوليسو له قوله ويلي، چې پوليسو د یادې سیمې په غريب اباد کلي کې ګزمه کوله چې د ناپېژانده وسله والو له برید سره مخ شول.
دا برید داسې مهال کېږي، چې پرون شنبه د حمل ـ وري ۲مه د بلوچستان د قلات ولسوالۍ په منګچر سیمه کې د وسله والو په ډزو کې د اوبو رسونې څلور تنه کارکوونکي وژل شوي دي.
پاکستان کې په دې وروستیو کې د نا امنیو پېښې په بېساري ډول زیاتې شوي دي.
دې پېښو د عامو خلکو ترڅنګ له حکومته هم لاره ورکه کړې ده.