تاند【شنبه د حمل ـ وي ۲مه】ننګرهار کې د طالبانو د حکومت ولایتي چارواکي وايي، د تورخم دروازه نن شنبه د عامو خلکو او مسافرو پر مخ پرانېستل شوه.
سرچینه زیاتوي، چې یوازې ویزه لرونکي او عاجل ناروغانو ته په تورخم د اوښتو اجازه ورکول کېږي.
ټاکل شوې وه، چې دا لاره پرون جمعه د مسافرو د تګ راتګ لپاره خلاصه شي، خو د پاکستاني لوري تخنیکي ستونزو له امله یې پرانېستل وځنډول شول.
یاده لار د تېرې پنجشنبې په ورځ د ترانزیت پر مخ خلاصه کړای شوې وه.
تورخم دروازه د تېرې فبرورۍ له ۲۱ مې ډیورنډ فرضي کرښې ته څېرمه د تاسیساتو جوړولو پر سر له شخړې سره سم د هر ډول تګ راتګ پر مخ تړل وتړل شوه.
د معلوماتو له مخې هره ورځ سوداګرو ته ۱۵ ملیونه ډالر زیان اوښت.
د یادې دروازې پر سر دواړه لوریو پوله ساتو وسله والې نښتې هم وکړې چې مرګ ژوبله یې هم درلوده.
که سم رسمي او د خلکو د خوښې حکومت وی اوس به یې بدیل پیدا کړی وی. خو طالب اشنا د ودونو، بهر کې د سرمایه ګذارۍ، لنډکروزرو او ورسره د شوګر مرض مبتلا کیدلو نه وزګار ندي. بیا خو دې دا دروازه دیمي بنده وی.