تاند【چهارشنبه د کب ـ حوت ۲۲مه】د ننګرهار د سوداګرۍ او پانګونې خونې مسوولان وايي، نن چهارشنبه د افغانستان او پاکستان د سوداګرۍ خونې چارواکي او سوداګر د تورخم دروازې د بېرته پرانیستو په اړه یو ځل بیا غونډه کوي.
په دې اړه د دواړه لورو د سوداګرۍ ګډې خونې لومړنۍ جرګه بې پایلې پای ته رسېدلې وه.
کابو ۲۰ ورځې کېږي چې د تورخم دروازه تړل شوې چې د دواړو لورو سوداګرو ته یې تر دې دمه ملیونونه ډالر زیانونه اړولي دي.
سوداګر؛ د تورخم دروازې له امله دواړه لوري د ورځې ۳ملیون ډالر زیان ویني
پرون【سه شنبه د کب ـ حوت ۲۱مه】د افغانستان د سوداګرۍ او پانګونې خونې مرستیال محمدیونس مومند رسنیو ته ویلي وو چې ، د تورخم د دروازې د تړل کېدو له کبله هره ورځ د دواړو لورو سوداګرو ته ۳ملیونه ډالر زیان اوړي.
مومند زیاته مړې وه چې، له پاکستاني سوداګرو سره په ناسته کې دواړو لوري دې پایلې ته ورسېدل چې د لا ډېرو زیانونو اوښتو مخنیوي په موخه باید خپلو حکومتونو ته قناعت ورکړي.
پاکستان د دروازې د تړل کېدو لامل د افغان ځواکونو له لوري د ډیورنډ فرضي کرښې ته څېرمه دې غاړي ته د پوځي تاسیساتو جوړول یاد کړي.
دواړه لوري سوداګر هیله لري چې نننۍ ناسته به د دروازې د خلاصون سبب شي او دوی به له درنو مالي زیانونو وژغورل شي.
خو وبه لیدل شي چې نننۍ ناسته به پایله ولري که نه.