تاند【شنبه د کب ـ حوت ۱۸مه】د افغانستان د فوټبال فدراسیون وایي، د فوټسال ملي لوبډله به د برازیل په څلور اړخیزه لوبلړۍ کې خپله درېیمه لوبه نن (شنبه) د کابل پر وخت د ماښام په ۵ نیمو بجو د ایران پر وړاندې ترسره کړي.
افغان لوبډلې دغې لوبلړۍ کې خپله لومړۍ لوبه کې ګرینلنډ ته ماتې ورکړه، خو په دویمه لوبه کې یې له برازیل ماتې ومنله.
د برازیل پر وړاندې لوبه د کابل پر وخت نن سهار شاوخوا ۴ بجې وشوه چې پکې افغان لوبډلې ماته وخوړه.
د برازیل څلور اړخیز ټورنمنټ د افغانستان، ایران، گرینلند او کوربه برازیل ترمنځ پیل شوی دی.