تاند 【چهارشنبه د کب ـ حوت ۱۵مه】د چمپینز ټرافۍ دوهمه نیمه پایلوبه د جنوبي افریقا او نیوزلنډ ترمنځ روانه ده.
له دوی څخه د نن ورځې د لوبې ګټونکې لوبډله به هند سره په پایلوبه مخامخ کېږي.
هند تېره شپه په یوه په زړه پورې لوبه کې اسټرالیا مات کړ او پایلوبې ته ووته.
تر دې ماتې وروسته د د اسټرالیا کرېکټ ملي لوبډلې د یو ورځنیو سیالیو لوبډلمشر سټیون سمېت له یو ورځنیو سیالیو څخه خپل تقاعد اعلان کړ.
سمېت پرون سېشنبه د اتلانو جام په لومړۍ نیمه پایلوبه کې هند څخه له ماتې خوړولو وروسته دغه پرېکړه کوکړه.
۳۵ کلن سټیون سمېت په خپل ټول لوبیزه دور کې ۱۷۰ یو ورځنیو سیالیو کې ګډون کړی، چې په دې موده کې یې د ۱۲ سلیزو او ۳۵ نمیه سلیزو پرمټ ټولټال ۵ زره او ۸۰۰ منډې جوړې کړې دي.