تاند【یکشنبه د کب حوت ۵مه】د طالبانو د حکومت د کډوالو او راستنېدونکو چارو وزارت شمېرې ښيي چې، په تېره یوه میاشت کې ۳۱۶۰کورنۍ چې څه باندې ۱۴زره کسان کیږي،هېواد ته راستانه شوې دي.
د یاد وزارت ویاند زیاته کړې چې، په یاده شمېره کې له ایرانه څه باندې ۱۰۶۰۰ او له پاکستانه ۳۳۰۰ او له ترکیې نږدې ۱۵۰ کسان هېواد ته راستانه شوي دي.
یاد کډوال په زیات شمېر یې په جبري ډول ایستل شوي دي.
بل لورته په پاکستان کې یو شمېر افغان کډوال د پولیسو له پرله پسې ناوړه چلند او جبري شړلو شکایت کوي.
دوی د دې ستونزې د حل غوښتنه کوي.
پاکستان کې مېشت یو افغان کډوال سیدمحمد وایي له تېرو ۲۰ کلونو هلته مېشت دی خو اوس یې پاکستاني پولیس په یوه او بله پلمه ځوروي او هڅه کېږي چې په جبري ډول یې وباسي.