تاند【یکشنبه د کب ـ حوت ۵مه】کندهار کې د طالبانو د اطلاعات او کلتور ریاست مسوولان وايي، روان کال له دې ولایت څخه بهرنیو هېوادونو ته ۶۲ زره ۳۱۰ ټنه وچه مېوه صادره شوې ده.
دغه راز د کندهار سوداګرۍ او پانګونې خونې مرستیال انجنیر عبدالباقي بینا هم زیاته کړې چې، په صادره شوې وچه مېوه کې زیاته برخه انځر، شکرپاره او کشمش شامل دي.
سرچینه زیاتوي، د صادرې شوې مېوې ارزښت څه باندې ۲۴۴ میلیونه ډالره کیږي.
د دې وچې مېوې ډېره برخه هند، پاکستان، متحده عربي امارت او امريکا متحده ایالت ته صادره شوې.
د یادونې ده چې څه موده وړاندې هندي رسنیو ویلي و، چې په دې وروستیو کې دې هېواد ته له افغانستان څخه د وارداتو کچه زیاته شوې ده.
افغانستان یو له هغو هېوادونو دی چې په وچه کې راګیر او ډېره برخه اوسېدونکي یې په کرنه، باغدارۍ او مالدارۍ بوخت دي.
کرنیز پوهان وایي که حاکم نظامونه د افغانستان پر کرنیزه برخه پانګونه وکړي نو لرې نه ده چې ژر به په دې برخه کې په ځان بسیا او نورو هېوادونو ته په پراخه کچه صادرات ولر.