تاند【شنبه د کب ـ حوت ۴مه】د طالبانو د رییس الوزرا اقتصادي مرستیال، ملا عبدالغني برادر د یوه لوړپوړي پلاوي په مشرۍ ازبکستان ته لاړ.
نوموړي په دوه ورځني سفر یاد هېواد ته روان شو.
د طالبانو د ریاست الوزرا اقتصادي مرستیالۍ په یوه خبرپاڼه کې ویلي، دغه پلاوي کې د طالبانو د حکومت د سوداګرۍ، کانونو او پټرولیم، کرنې او ټرانسپورټ او هوایي چلند وزارتونو سرپرستان، د افغانستان بانک رییس او د مالیې وزارت د ګمرکونو او عوایدو مرستیال د ملا عبدالغني برادر ملتیا کوي.
د طالبانو د ریاست الوزراء د اقتصادي مرستیالۍ په خبرپاڼه کې راغلي چې، دغه پلاوی د افغانستان او ازبکستان ترمنځ د سیاسي، اقتصادي او سوداګریزو اړیکو د پراختیا پ موخه تللی دی.
سرچینه دغه راز زیاتوي چې یاد پلاوی به افغانستان کې د ازبکستاني سوداګرو د پانګونې د جلبولو په موخه هم د یاد هېواد له لوړپوړو چارواکو سره لیدنې ولري.