تاند【چهارشنبه د کب ـ حوت لومړۍ】ناپېژانده وسله‌والو تېره شپه ناوخته په ‎بلوچستان ايالت کې د يوه بس ۷ تنه سوارلۍ په ډزو وژلي.

پاکستاني سيمه‌ييز چارواکي زیاتوي چې، وسله والو کسانو د سپرلیو له بس څخه ۷ تنه په نښه شوي پنجابيان راکښته کړي او بيا يې په ډزو وژلي دي.

د یادونې ده چې، د دې پېښې مسووليت تر اوسه کومې ډلې په غاړه نه دی اخېستی.

دا په داسې حال کې ده، چې په دې وروستيو کې په ‎پاکستان کې امنيتي پېښې ډېرې شوې او تېره ورځ هم په ډېره اسماعيل خان کې دوه پوځي موټرې په نښه شوې دي.

پاکستان کې د ګډوډیو پر دوام د دې هېواد د سندایالت له دولتي ګودامونو تېره ورځ ۱۷۰ زره بورۍ غنم غلا شوي دي.

د دې غنمو د غلا په تور ۴ تنه نیول شوي دي.
https://taand.net/?p=251642