تاند (چهارشنبه، د سلواغې/ دلوې ۲۴ مه) د اسلامي دولت ډلې (داعش) خراسان څانګې په کندوز کې د پرونۍ (د سلواغې ۲۳ مه) انتحاري برید مسوولیت ومانه.
د فرانس پرس خبري آژانس د راپور له مخې، داعش په یوه خبرپاڼه کې، چې نن چهارشنبه (د سلواغې ۲۴ مه) د دې ډلې د اعماق په ټیلیګرام کانال کې خپره شوې، ویلي چې په دې انتحاري برید کې د طالبانو حکومت یو شمېر کارکوونکي، چې د معاش اخېستو لپاره د کابل بانک د څانګې مخې ته راټول شوي وو، په نښه شول.
د کندوز د امنیې قوماندانۍ ویاند جمعه الدین خاکسار تیره ورځ وویل چې په دې انتحاري برید کې ۵ کسان، چې ملکي وګړي او د طالبانو امنیتي ځواکونه پکې شامل دي، وژل شوي دي.
هغه همداراز وویل چې په دې پېښه کې ۷ تنه نور ټپیان شوي دي.
خو د طالبانو دوو سرچینو، رسنیو ته ویلي چې د وژل شویو کسانو شمېر له ۱۴ څخه تر ۱۷ پورې دی.
دا برید یوه ورځ وروسته له هغه وشو، چې د ملګرو ملتونو امنیت شورا د داعش خراسان څانګې له لوري د افغانستان او سیمې پر وړاندې د ګواښونو په اړه غونډه وکړه.
د افغانستان پخواني ولسمشر حامد کرزي او قطر دا برید په کلکه غندلی دی.
ددوۍ له خولې ویل سوي سي تر ۶۰ ډیر وزل سوي دغه ددوۍ د خولې خبره چیرې په هوټل کې 😔