تاند (چهارشنبه، د سلواغې ۱۷ مه) د طالبانو د حکومت ویندوی ذبیح الله مجاهد د سېشنبې په ورځ رسنیو ته وویل چې د کورنیو چارو وزیر سراج الدین حقاني د متحده عربي اماراتو او سعودي له سفره هیواد ته راستون شوی او اوس په هېواد کې دی.
تر دې مخکې، د ملګرو ملتونو د امنیت شورا تایید کړې وه چې د طالبانو د کورنیو چارو وزیر د دې شورا د اجازې پر اساس د عمرې حج د ادا کولو لپاره سعودي عربستان ته تللی و.
سراجالدین حقاني له سعودي عربستان څخه مخکې متحده عربي اماراتو ته تللی و او د دغه هېواد له دولتمشر سره یې لیدنه او خبرې کړې وې.
د امنیت شورا د بندیزونو کمېټې ویلي چې د سراجالدین حقاني د سفر بندیز یې د لسو ورځو لپاره لرې کړی و، او هغه د فبرورۍ تر درېیمې (چې دوشنبه وه) سفر کولی شوای.
سراجالدین حقاني د ملګرو ملتونو او امریکا د بندیزونو په لېست کې دی، او په تېرو دریو کلونو کې، لږ تر لږه درې ځله د ملګرو ملتونو د امنیت شورا په اجازې متحده عربي اماراتو او سعودي عربستان ته تللی دی.
د طالبانو حکومت سعودي ته د جلال الدین حقانتي د سفر په اړه څه نه و ویلي.
سراج الدین حقاني، سره له دې چې په ټېرو څو لسیزو کې د خورا خونړیو حملو مسوولیت ورله غاړې بلل شوی او په اړه یې ډېر منفي تبلیغات شوي، خو په وروستیو کې یې له دې کبله نوم ښه شوی چې د نجونو د زده کړو ملاتړ کوي او د کیش شخصیت مخالفت کوي.
سلام تانده!
جلال الدین نه دی
سراج الدین دی!
اصلاح یی کړئ
مننه
د جلال الدین حقاني پرځای دې دا عنوان داسې اصلاح شي :
سراج الدین حقاني د اماراتو او سعودي له سفره وروسته هیواد ته ستون شو
ډیره مننه