سویډني چارواکو اعلان وکړ چې نن (د سې شنبې په ورځ) لږ تر لږه ۱۰ کسان د سویډن د اوریبرو په مرکزي ښار کې په یوه ښوونځي کې ویشتل شوي دي.
د وروستیو راپورونو له مخې، په دې پېښه کې ۱۰ تنه وژل شوي دي. په پیل کې ویل شوي و چې په دې پېښه کې ۵ تنه ټپیان دي.
د سویدن د کورنیو رسنیو د راپور له مخې، د ځانګړې ځواک غړي ریسبرګسکا ښوونځي ته رسېدلي دي.
د ښوونځي یوه مدیر کورنیو رسنیو ته ویلي چې د اوریبرو په دغه ښوونځي کې وضعیت لا هم “بحراني” دی.
پولیسو له خلکو غوښتي چې د اوریبرو د ویستهګا سیمې ته له تلو ډډه وکړي یا په خپلو کورونو کې پاتې شي.
تراوسه د دې برید د انګېزې او ترسره کوونکي په اړه څه نه دي ویل شوي.