تاند【چهارشنبه د سلواغې ـ دلوې ۳مه】د افغانستان د کرکټ د ملي لوبډلې لوبغاړی نوین الحق پر خپل انسټاګرام له راشد خان سره یو ځای انځور خپور کړی او لیکلي یې دي، چې:
” باران لوبه ځنډولی شي، خو موډ یا طبعیت نشي خرابولی ـ کشره ډېر هغه یې”
د کرکټ د ملي لوبډلې بل تېز توپ اچوونکي لوبغاړي فضل الحق فاروقي ورته په کمنټ کې لیکلي: “ډېر څه”.
نوین یې په ځواب کې د ټوکې په بنه لیکلي، چې: ” ګپ شپي یې”.
خو بل لورته راشد خان بیا ورته لیکلي: “یو خو ستا هرڅه کې کار وي لکه شړومبو مچ کېنه چېرته مړه لږ مو ژوند ته پرېږده”.
په ټولنیزو رسنیو کې د لوبغاړو ترمنځ ټوکې ټکالې او خوښي د دوی مینه وال هم خوښ ساتلی شي.
د انسټاګرام ټولنیزې رسنۍ په زیات شمېر کاروونکو د دوی انځور ته لیکلي، چې اتلان دې تل اباد وي.
د ملي لوبغاړ د ژوند ډېره برخه پر لوبو تېرېږي، چې له همدې امله ټولنیزو رسنیو کې د دوی لږه شوخي هم د خلکو د پام وړ ګرځي.