تاند【یکشنبه د مرغومي ـ جدي ۳۰مه】د بلخ او جوزجان ولایتونو د بدنې روزنې او سپورټ آمریتونو مسوولین وایي، چې په دواړو ولایتونو کې ۱۸۰ چاپندازانو ترمنځ د وزلوبې سیالۍ پای ته ورسېدې.
د بلخ ولایت د بدني روزنې او سپورټ آمریت مسوول حمید ګل لېوال وایي، چې په مرکز مزارشریف ښار کې د ۱۲۰ چاپندازانو ترمنځ د وزلوبې سیالۍ، څه موده وړاندې پیل شوې وې او نن پای ته ورسېدې.
نوموړي زیاته کړې، چې د یادو سیالیو موخه د بلخ ولایت په کچه د پیاوړې لوبډلې په نښه کول او یادې لوبې ته د ځوانانو هڅول ښودل شوي دي.