تاند ( سه شنبه د مرغومي ـ جدي ۱۸مه) د افغانستان د سولې لپاره د امریکا پخواني ځانګړي استازي زلمي خلیلزاد د پاکستان له حکومته غوښتي، چې له افغان کډوالو سره د ناوړه چلند او جبري شړلو مخه ونیسي.
هغه په خپله اېکس پانه لیکلي: “پاکستاني چارواکي باید له افغان کډوالو سره د غیر قانوني چلند او جبري اخراج مخه ونیسي.”
خلیلزاد داسې مهال دا غوښتنه کوي، چې هممهاله د بښنې نړیوال سازمان د کډوالو د حقونو د کمپاین فعال جېمز جینیون، د پاکستاني چارواکو له لوري د هغو سختو تعقیبونو، د بشري حقونو جدي سرغړونو او بشري ناورینونو په اړه بېپروا چلند چې له افغان کډوالو سره یې کوي، ناهیلی کوونکی بللی دی.
جینیون زیاته کړې، د دې پر ځای چې پاکستاني چارواکي د افغان کډوالو د ایستلو لړۍ د درولو لپاره نړیوالې غوښتنې ومني، د ناهیلۍ خبره دا ده چې اوس دا لړۍ د افغان (ACC) کارټ لرونکو کډوالو ته هم رسېدلې ده.
سرچینې زیاته کړې،.چې د پاکستان حکومت د “بهرنیانو د ستنولو ناقانونه پلان” د کډوالو او نړیوالو بشري حقونو له قوانینو سره په ټکر کې دی او د ټولو افغان کډوالو ژوند له ګواښ سره مخ کوي.
د تاند محترمو غړیو ، تاسی د ما کومنت د ملی خائین د سی آی اي ستر جاسوس او د افغان ملت ستر دوښمن خلیلزاد باره کښی نشر نکړو ډیر افسوس پر تاسو چی تاسی دداسی ملی خائین دفاع له خاطره داسی عمل وکړ !!!!