تاند ( دوشنبه د مرغومي ـ جدي ۱۷مه) د طالبانو د حکومت د ټولګټو وزارت ویاند، محمد اشرف حق شناس پر خپله اېکس پاڼه لیکلي، چې د سالنګ لویه لار به د دوو ورځو تر بندېدو وروسته نن دوشنبه خلاصه شوه.
نوموړي زیاته کړې، چې د دغې لویې لارې د پاک کارۍ چارې تېره شپه بشپړې شوې دي او نن (دوشنبه، مرغومي ۱۷مه) به د کوچنیو او لویو مسافر وړونکو موټرو پر مخ پرانیستل شي.
حق شناس له موټر چلوونکو غوښتي چې پر دغه لار د خوندي تګ راتګ په موخه پوره احتیاط وکړي.
دغه لار تېره جمعه (مرغومي ۱۴) د واورې د ورښت او طوفان له امله د ټرافیکو پر مخ تړل شوې وه.
دغه لار وخت ناوخته د واورې او طوفانونو له امله د ترافیکو پر مخ تړل کېږي.