تاند ( دوشنبه د مرغومي ـ جدي ۱۷مه) د ملګرو ملتونو سرمنشي، انتونیو ګوترېش په یوه پیغام کې ویلي، د لوړې کچې تودوخې لسیزه پای ته رسېدلې، چې د ۲۰۲۴ زیږیز کال په ګډون پکې تېر لس کاله شامل و.
ګوترېش زیاته کړې، چې په ۲۰۲۵ کې هېوادونه باید نړۍ په یوه خوندي مسیر روانه کړي.
هغه وایي هېوادونه باید شنه ګازونه په پراخه کچه راکم کړي او د نوي راتلونکي په لور بدلون ته ملا وتړي.
ګوترېش په دغه پیغام کې ویلي، “موږ باید د تباهۍ لارې بدلې کړو او نور دومره وخت نه لرو چې ضایع یې کړو.”
تېر لس کاله په ځانګړي ډول ۲۰۲۴ کال د تاریخ تر ټولو ګرم کال ثبت شوی دی.